Zikuñagako paper fabrikaren ondoan, Irurena enpresa zegoen lekuan, piztu da sutea oraindik argitu gabe dauden arrazoiak tarteko. Suhiltzaileak berehala joan dira hara, eta dagoeneko sua kontrolatutako dagoela adierazi diote 'Berria.info'-ri Ertzaintzako iturriek.
Nolanahi ere, argindar sistema hondatu du, eta, ondorioz, argirik gabe egon da bi orduz Hernani guztia. Inguru horretan dago Hernani argindarrezhornitzen duen Iberdrolaren subestazioa.
Inguruko bizilagunek asalduta segitu dituzte gertakariok, argirik gabe geratzeaz gain, ke handia ikusten baitzuten Zikuñaga inguruan, eta sirena hots asko entzun baitituzte. Sutea gertatu den inguruan enpresa asko daude.
Istripuak
Pare bat ordu argindarrik gabe pasatu eta gero, normaltasunera itzuli da Hernani
Hernani (Gipuzkoa) guztia argirik gabe egon da bi ordu luzez, sute batek argindar sistema hondatu eta gero. Arratsaldeko ordubiak bost gutxiagotan piztu da sua, baina dagoeneko, suhiltzaileek kontrolatuta daukate.
Iruzkinak
Ez dago iruzkinik
Ordenatu
