'Egunkaria auzia'
Pasqual Maragall Egunkariaren Alde Elkarteko ordezkariekin izan da gaur, Bartzelonan
Kataluniako Generalitateko presidente Pasqual Maragallek urtero Sant Jordi egunez egin ohi duen harrera ofizialean izan dira gaur eguerdian Joan Mari Torrealdai, Iñaki Uria eta Martxelo Otamendi, Egunkariaren Alde Elkartearen izenean. Harreran Kataluniako politika, kultura eta gizartearen 2.000 ordezkari inguru bildu dira, besteak beste.
Atzo Egunkaria auziaren segimendu juridiko eta politikorako batzordea aurkeztu zuten Bartzelonan. Bestalde, Egunkariaren Alde Elkartearen kideak Kataluniako alderdi politiko gehienetako ordezkariekin izan dira. Gaur ERCko presidente Josep Lluis Carod Rovirarekin izan dira, bazkaritan.
Iruzkinak
Ez dago iruzkinik
Ordenatu
