Aralarrek datozen hiru urtetarako koordinatzaile nagusia aukeratu zuen atzo eta botoen %64,1eko babesarekin Patxi Zabaleta zen hautatua. Zabaletak "jasotako babesa adierazgarria" dela, "baina beste %36a ere kontuan hartu behar" dela nabarmendu du. Koordinatzaileorde kargua, berriz, Jon Abrilek beteko du. Alderdiak asteburuan Iruñean egin duen laugarren biltzarrean hartu dituzte erabaki horiek.
Biltzar horretan, datozen hiru urtetara begira alderdiak dituen erronkak, baita hartu beharreko ildo politikoa izan zuten hizpide. Zabaletak koordinatzaile kargua hartzeko hitzaldian nabarmendu zuen "benetako ezker anitzaren premia inoiz baino beharrezkoagoa" dela "ez bakarrik krisialdiaren ondorioei aurre egiteko, baizik eta baita ere, ezker berriaren ezaugarriak bultzatzeko".
politika
Patxi Zabaleta Aralarreko koordinatzaile nagusia izango da beste hiru urtez
Zabaletak botoen %64,1eko babesa jaso zuen atzo. Alderdiak asteburuan Iruñean IV.Biltzarra egin du ezkerreko alternatiba abertzalea sendotzeko asmoz.
Iruzkinak
Ez dago iruzkinik
Ordenatu
