Peritu gisa ez, lekuko gisa deklaratu dute poliziek

Sorturen aurkako polizia txostenak egin zituzten polizi eta guardia zibilek «peritu gisa» deklaratzea nahi zuten Espainiako Estatu Abokatuak eta Fiskaltzak. Eskaera hori egin zuten, gainera, Auzitegi Gorenean. Alderdiaren defentsak, aldiz, ez zuen nahi poliziek peritu gisa deklaratzerik,izatekotan lekuko gisa deklaratu beharko zutela zioen. Auzitegi Goreneko epaimahaiaren lehen lanetakoa izan zen gai horri buruz erabakitzea, eta azkenean, defentsaren tesiari eutsi zioten, eta poliziek eta guardia zibilek lekuko gisa deklaratu behar zutela ebatzi zuten epaileek. Aldea dago, aldea dagoenez, peritu gisa edo lekuko gisa deklaratzearen artean, deklarazioak duen «pisutik» hasita.