PERTSONA BAT HIL DA AUTO ISTRIPUZ

Pertsona bat hil eta beste bat larri zauritu zen atzo eguerdian Beriainen (Nafarroa), errepideko istripu batean. N-121 bidean gertatu zen ezbeharra, 12:15ean. Nafarroako Gobernuak jakinarazi du bi ibilgailuk aurrez aurre jo zutela elkar eta haietako batean harrapatuta geratu zela pertsona bat. Suhiltzaileek atera zuten, hilotz. 77 urteko gizon bat zen. Beste pertsona bat ere zauritu zen ezbeharrean; bular inguruan hartu zuen min, eta Iruñera eraman zuten ospitalera.