Nafarroako Gobernuak jakinarazi duenez, Biurrun-Campanaseko etxabe batean aurkitu dute gorpua. Hildakoak, 37 urteko iruindarrak, egun batzuk zeramatzan etxabean lo egiten jabearen baimenarekin, eta berogailu batentzako generadorearekin intoxikatu dela uste du poliziak.
Etxeko jabeak eman du abisua 5:50ak aldera. Anbulantzia eta zerbitzu medikuak joan dira bertara, eta kontzientziarik gabe aurkitu duten pertsona ordurako hilda zegoela baieztatu dute.
Foru Polizia gertakaria aztertzen ari da. Gorpua Nafarroako Medikuntza Legeleko Institutura eraman dute, autopsia egiteko.
