75 urteko gizon bat zendu da gaur goizean Deierrin, Nafarroan, traktore batekin ezbehar bat izan eta gero. Nafarroako Gobernuak eman du istripuaren berri. Adineko bat zen hildakoa, eta harrapatuta geratu da traktorean. Hainbat anbulantzia joan dira gizona artatzera, baina hilda zegoela baieztatu besterik ezin izan dute egin.
Eguerdian gertatu da ezbeharra, eta Foruzaingoa ari da gertatutakoa aztertzen.
