Arratsaldeko hirurak aldera gertatu da istripua, NA121 errepidean, Erriberri parean (Nafarroa).
Traktore batek eta kamioi batek elkar jo dute, eta traktorearen gidaria ibilgailuaren azpian harrapatuta gelditu da. Segurtasun indarrek jakitera eman dutenez, hil egin da. Kamioiaren gidaria, berriz, larri zauritu da, eta Nafarroako ospitalera eraman dute, helikopteroan.
Tafallako eta Azkoiengo suhiltzaileak joan dira istripuaren lekura, eta baita foruzainak ere.
