Pertsona bat zauritu da sute batean, Donostian

Bart goizaldean sutea piztu da Donostiak Gros auzoko etxebizitza batean, eta, ondorioz, pertsona bat zauritu da kea arnastuta.

Donostiako suhiltzaileek jakinarazi dutenez, 01:30 aldera piztu da sutea Zabaleta kaleko 38. atariko sotoko etxebizitzan. Pertsona bat laguntza eske garraisika entzun dute, eta laster joan dira suhiltzaileak. Garretatik ihesi barne patio batean zegoen gordeta pertsona hori, eta suhiltzaileak heldu direnerako ke dezente arnastu du. Ondorioz, larrialdi zerbitzuetako kideek artatu behar izan dute.

Ordubete inguru behar izan dute suhiltzaileek sutea itzaltzeko. Sukaldea eta sala asko hondatu ditu ezbeharrak.