Pilar Marcosek hiru urteko zigorra adostu du fiskalarekin

Pilar Marcosek, Tafallan (Nafarroa) 2009ko azaroaren 2an senarra hil zuen emakumeak, hiru urteko espetxe zigorra jasotzea hitzartu du Nafarroako fiskal nagusiarekin. Orain, Marcosen abokatuak indultu partzial bat emateko eskatuko dio Espainiako Gobernuari, zigorra bi urtera murriztu eta kartzela saihesteko. Akordioan, fiskalak hainbat aringarri izan ditu kontuan: besteak beste, senarra labanaz zauritutakoan berehala larrialdietara deitzea eta bidezko defentsan aritzea. Senarrak tratu txarrak eman zizkion Marcosi 40 urtez.