Pilar Marcosen kasuko epaiari helegitea jarri diote

TAFALLA. Maria Pilar Marcosen aurkako epaiketa -ustez, senarra hil zuen Marcosek, Tafallan (Nafarroa)-berriz egitea nahi du fiskalak. Hala, helegitea jarri dio epaiari. Marcosek 40 urtez tratu txarrak jasan zituela salatu zuen epaiketan, eta ez zuela senarra hil nahi izan. Seme-alabek hark esandakoa berretsi, eta zinpeko epaimahaiak errugabetzat jo zuen. Fiskalaren arabera, epaia «kontraesankorra, inkongruentea, arbitrarioa eta zentzugabea» da. Horregatik jarri du helegitea Nafarroako Justizia Auzitegi Nagusian.