EAJko Bizkai Buru Batzarrak pintaketak salatu ditu; besteak beste, PNV carcelero (EAJ kartzelari) idatzi dute. BBBk “onartezintzat” eta “bide politiko eta demokratikoekin erabat bateraezintzat“ jo ditu jarrera “anonimo eta koldar” horiek: "Denon arteko elkarbizitza eraikiko badugu, ezinbestekoa da halako jarrerak erabat baztertzea, bakea eta elkarbizitza behin betiko erdiesteko bidea eragotzi baino ez dutelako egiten".
Bestalde, Independentzia eta sozialismoa eta Txikito gose greban mezuak idatzi dituzte PSEren Lasarteko egoitzan. Sare sozialetan zabaldutako mezu batean, PSEk gaitzetsi egin du erasoa: "Batzuek ETAren amaiera onartu gabe jarraitzen dute".
