Bilboko konpartsek planto egingo dute gaur udalak Kaskagorri eta Txori Barrote konpartsei ezarritako debekua salatu eta Aste Nagusi parte hartzaileago bat defendatzeko.
Lehengo urtean egin zuten bezala, planto eguna dute gaur Bilboko Aste Nagusian. 10:00etan hasita, txosnak itxita edukiko dituzte 24 orduz; aurten, ordea, ekitaldiz bete dute planto eguna. Egun osoan "lotsaren korridorea" egongo da txosnetan, eta 19:00etan konpartsero izatearen harrotasuna aldarrikatzeko desfilea egingo dute Plaza Biribilean abiatu eta Kale Nagusian gora.
