Pobrezia emendatzen ari da gazte eta emazteen artean Ipar Euskal Herrian

Ipar Euskal Herriko Sokorri Katolikoak 2010eko bilduma plazaratu du, eta bertan nabarmen ageri da pobrezia handitzen ari dela, bereziki gazte eta emazteen artean. Orotara 6.570 familia lagundu zituen iaz Sokorri Katolikoak, zuzenean 94.853 euro emanez. Laguntza jaso duten familien artean, %36 bikotekiderik ez duten amak dira (2009an %39,8) eta %18,4 familiarik ez duten emazteak(2009an %15,7). Ehunekoetan apaldu badira ere, laguntza behar duten ama bakarren kopurua mantendu egin da aurten ere. Handia den arren, gazteen pobrezia maila Frantziakoaren erdira heltzen da.