Kepa Landa eta Jone Goirizelaia defentsa abokatuak poliziak babespean deklaratzearen kontra agertu diren arren, agenteek horrela ekin diote deklarazioari —13:15 aldera—, epaimahaiak oniritzia eman ostean. Landak eta Goirizelaiak esan dute horretarako beharrezkoa den ”salbuespen egoera” ez dagoela egiaztatuta.
Poliziek adierazi dute prentsaurreko batzuen eta Herria Aurrera Bilboko plataformaren egoitzaren zaintza lanetan aritu zirela, eta entzuketak ere egin zituztela.
Haien arabera, ETAk asko azpimarratzen zuen hauteskundeetan parte hartu beharra zegoela, eta horregatik uste dute D3M ETAren aginduz sortu zela.
