Polizien oldarraldia salatu dute Ikasle Abertzaleek

IRUÑEA. Ikasle Abertzaleek babesa adierazi diete atzo Iruñerrian eserialdiak egin zituzten ehunka ikasleei, eta salatu dute Espainiako Poliziak haien aurka izandako jokabidea. Protesta egiten ari ziren ikasleei oldartu zitzaizkien poliziak; hala salatu dute. Martxoaren 22an greba egitera eta egun horretarako antolatutako manifestazioan parte hartzera deitu du ikasleen sindikatuak.