Stop Kaleratzeak elkartea "pozik" agertu da Europako Batasuneko Justizia Epaitegiak etxe kaleratzeen Espainiako legearen aurka egin duelako. Elkarteak oroitarazi duenez, "milaka pertsonak jasan dute lege bidegabe" hori.
Beharrezkotzat jo du etxe kaleratzeak saiheste aldera proposatutako herri ekimen legegilea onartua izan dadin. Azaldu du PPren eta EAJren esku dagoela "milaka sendiren drama" eteteko neurriak hartzea, eta oroitarazi du bi alderdi horiek ez direla agertu ekimen legegileak jasotako proposamenen alde.
