Philippe Rey Frantziako Pirinio Atlantikoetako prefetak eta Batera Ipar Euskal Herriko plataformak martxoko herri kontsultari buruz duten ika-mikak aurrera segitzen du, eta gaur prefetak ohartarazi du Lapurdiko, Nafarroa Behereko eta Zuberoako auzapezek lege aldetik galdeketa egiteko laguntzarik ezin dutela eman. Haren arabera, alkateek herri edo eskualdeko kontuei buruzko erreferendumak edo kontsultak egiteko baizik ez daukate gaitasuna, eta Bateraren asmoak hori gainditzen du, Ipar Euskal Herriari buruzkoa izango delako.
Urtarrilean auzapezei gutuna bidalia zen Rey, eta Baterak asteartean zioen legearen aurkakoa dela eskutitz hori.
Martxoko eskualdeetako hauteskundeen egunean egin nahi du Baterak galdeketa, galdera honekin: "Euskal lurralde elkargo baten sortzearen alde zira?" Datorren astean jakingo da zehazki zenbat herritan eta nola antolatuko den kontsulta.
Eric Morvan Baionako suprefetarekin elkartu da gaur Rey Frantziako Estatuaren ordezkaria.
politika
Prefetak auzapezei ohartarazi die ezin dutela Bateraren galdeketa antolatzen lagundu
Plataformak martxoko hauteskundeetan egin nahi du kontsulta, Ipar Euskal Herriko elkargoaren sorreraz.
Iruzkinak
Ez dago iruzkinik
Ordenatu
