Presa batek Ebro lehortzen duela salatu dute Europan

GUARDIA. Presa batek Ebro ibaiaren bidea hondatu egiten duela salatu dute GADEN Arabako talde ekologistak eta Errioxako Colectivo Ecologista Riojano taldeak. Logroño (Espainia) eta Guardia (Araba) artean, meandro batean, presa horrek estazio elektriko batera bideratzen ditu Ebroko urak, eta talde ekologistek azaldu dute hamabost kilometroan «ia-ia lehortu» egiten dela ibaia. Europako Batasunera eraman dute salaketa, gutun baten bidez.