Francisco Caamaño Espainiako Gobernuko Justizia ministroak begi onez ikusi du Euskal Preso Politikoen Kolektiboko zenbait kide askatasun eskaerak aurkezten hastea: "Bide onean doa", esan du Caamañok gaur Galizian, mitin batean.
Edonola, kasu bakoitza "zuzenbide estatua errespetatuz eta legea eskuetan hartuta aztertu" behar dela gaineratu du. "Zuzenbide estatua orain arte bezala ezartzen jarraituko dugu. Epaileek diotena eta legeak dioena errespetatu behar da".
