Preso ohi baten aurkako margoak egin dituzte Zizurren

Joan den astean atera zen libre Eder Ariz espetxean 5 urte egin ondoren, eta larunbatean, haren kontrako margoa agertu zen etxe atarian, Zizurren (Nafarroa). Zehazki, "Eder, hil zaitez" jartzen du gazteleraz, eta, alboan, eskuin muturreko taldeek erabiltzen duten ikurretako bat.

AAM Amnistiaren Aldeko Mugimenduak jakinarazi duenez, larunbatean Amnistiaren Eguna egin zuten Zizurren eta egun horretan bertan agertu ziren margoak. AAMk gogor salatu du pintaketa, eta heriotza mehatxutzat hartu ditu. "Independentisten aurka denak balio duen giroa sortu da, bide errepresiboak eta espainiar komunikabideek bultzatuta", diote. Presoak babesteko eta errepresioari aurre egiteko deia egin dute.