"Udako hilabeteak hondartzan eta eguzkitan egotekoak dira askorentzat. Biana presoen senideentzat errepide eta bidaia luzeetan ibiltzekoak dira, eta haien eskubideak etengabe urratzen dira", salatu zuen atzo Etxeratek, Euskal Herriko hamabi hondartzatan egindako protesta ekintzetan.
Dispertsioaren ondorio larrienak ere ekarri dituzte gogora Etxerateko kideek, eta nabarmendu dute 25 urtean 16 pertsona hil direla espetxe politika honen ondorioz: "25 egunetik behin errepide istripu bat izaten dute presoen senideek, eta haien egoerak eta presoenak okerrera egiten jarraitzen du. Preso kopuruaren gainbehera albiste ona bada ere, horiek gero eta urrunago egotea albiste txarra da".
Elkarteak salatu du "bizi osorako kartzela zigorra ezartzen jarraitzen dutela, gaixo larriei espetxean eutsiz eta haien senide eta lagunak kontrolatuz". Horiek hala, sakabanaketa politika behin betiko amaitzeko eskatu du.
