Eusko Legebiltzarrean izan da Etxerat elkarteko ordezkaritza bat, hiru alderdiekin biltzeko. Elkarteak azaldu du PPk eta UPDk ez diotela erantzun batzar bat egiteko eskaerari, eta horregatik ez direla alderdi horiekin bildu.
Euskal presoen sakabanaketa politika indargabetzeko eta presoen eskubideak errespetatzeko eskaerak helarazi dizkie Etxerat-ek EAJri, PSEri eta EH bilduri. Jeltzaleen eta koalizioaren babesa jaso dute, elkarteak jakinarazi duenez.
