Prezioak igotzearen «beldur» da EHUko Ikasle Kontseilua

Unibertsitate eredua aldatzeko Wert ministroak agertutako asmoa «arduraz» jaso du EHUko Ikasle Kontseiluak. «Beldur» da kontseilua, uste baitu Espainiako Gobernuak unibertsitateko prezioak igoko dituela familien egoera ekonomikoa aintzat hartu gabe. Beken zenbatekoa eguneratzeko eskatu du Ikasle Kontseiluko buru Aratz Castrok, «familientzat benetako laguntza izan daitezen». Bestalde, Espainiako Unibertsitate Kontseiluak bilera egingo du etzi, gobernuak egin nahi dituen murrizketak unibertsitateetako ordezkariei azaltzeko. Hain zuzen ere, duela bi aste jakinarazi zuen Wertek Nazioarteko Bikaintasun Campus programa bertan behera utzi duela.