PROZESU FEMINISTA INDARTUZ

Ezker abertzaleko emakumeek IV. Nazio Batzarra egin zuten igandean Etxarri Aranatzen (Nafarroa): «Hamar urte igaro dira ezker abertzaleko emakumeok prozesu feminista martxan jarri genuenetik. Emakumeon eskubideen aldeko borroka artikulatzen eta aktibatzen ahalegindu gara urte hauetan», adierazi dute. Euskal Herriko Emakumeen Eskubideen Karta jarri dute horren adibide: «Eskubideen egikaritza ahalbidetzen duten tresnak eskuratzea da erronka».