Roberto Jimenez PSNko idazkari nagusiak adierazi duenez, alderdi horrek ez du gobernurik osatuko "Bilduren botoekin, ezta Bilduk gobernuan parte hartuta ere". "Gai horretan ez dago berririk", erantsi du. Atzo, zentsura mozio bat adostera dei egin zien EH Bilduk PSNri, Geroa Bairi eta Ezkerrari, eta eskaintza horren harira erantzun du gaur Jimenezek.
Yolanda Barcina Nafarroako Gobernuko presidenteak, berriz, aurrekontuen osaketan parte hartzera gonbidatu zuen PSN, eta horren inguruan ere mintzatu da Jimenez. Esan du PSNk ez duela parte hartuko, eta gaineratu du "zaila" ikusten duela horiek babestea.
