Rabanerak dio Nekazaritza Ministerioa jarriko duela PPk

Ramon Rabanera Arabako Senaturako zerrendaburuak ziurtatu du Mariano Raxoik Espainiako Nekazaritza Ministerioa berreskuratu nahi duela, Europako Batasunean lehen sektorearen interesen alde hobeto egiteko asmoz. Rabanerak aitortu du sektoreak kezka handiz bizi dituela krisiaren ondorioak, eta salatu du EBko azken Nekazaritza Politika Bateratua ez dela bertako laborarien interesen aldekoa. Haren ustez, PSOEko gobernuak ez ditu behar beste babestu. Era berean, adierazi du PPk Espainiako Gobernuan zein Arabako Aldundian izan denean nekazaritzak «urte onenak» izan zituela, eta alde horretatik, Jose Maria Aznarren gobernuaren lana goraipatu du.