Heldu den urteko martxoaren 4an hainbat konpainiak bat egingo dute Gipuzkoako txartel bakarrarekin. Haien artean, baina, ez da Renfe egongo. Gipuzkoako Garraio Agintaritzak eman du Renferen erabakiaren berri, ohar batean. Ez du azaldu zergatik hartu duen tren konpainiak erabaki hori. Txartelarekin bai egingo dute bat EuskoTrenek, Dbusek eta Lurraldebusek.
Gipuzkoako Garraio Agintaritzak adierazi duenez, Renfek tarifak egokituko ez baditu ere, posible izango da Mugi txartelarekin ordaintzea Renfeko bidaiengatik, gaur egun Lurraldebuseko txartelarekin egiten den bezala.
