Roussetek dio «lehentasuna» dela Lapurdiko AHTaren zatia

BAIONA. Akitaniako presidente Alain Roussetek berretsi du Lapurdiko abiadura handiko trenaren (AHT) zatia eraikitzea «lehentasuna eta betebeharra» dela. Aste honetan Frantziako Gobernuko Aurrekontuetarako estatu idazkari Jerome Cahuzacek esan zuen krisiaren ondorioz ez dituztela AHTaren linea gehiago eraikiko. Bestalde, hilaren 23an hasiko dituzte lanak Gipuzkoako Hernialde-Zizurkil zatian. Gipuzkoan obrei ekiteko falta den zati bakarra da.