Larunbatean Eusko Jaurlaritzako lehendakari kargua hartu eta sailburuen izenak jakinarazi, astelehenean sailburuek kargua hartu eta asteartean gobernu kontseiluaren aurreneko lehen bilera. Horixe izango da datozen egunetako agenda Jaurlaritzarentzat.
Gaur aukeratu dute Urkullu lehendakari, eta etzi izendatuko dute, Gernika-Lumon. Iragarri zuen igandean ezagutaraziko dituela sailburuak, baina azkenean larunbatean bertan emango ditu haien izen-abizenak. Zortzi sailburuk osatuko dute exekutiboa; Patxi Lopezek zuzendutakoak baino bi gutxiagok.
Berri agentzien arabera, Urkulluk "aspaldi" erabaki zuen zeintzuk izango diren zortzi sailburu horiek.
