Ostiralean San Adrianen (Nafarroa) 16 urteko neska bat desagertu zen, eta Nafarroako Foruzaingoa eta Guardia Zibila haren bila ari dira harrezkero. Jakinarazi dutenez, hipotesi guztiak irekita daude, bai bere kabuz joan dela baita bere gogoaren kontra eraman dutela ere.
Amonarekin erosteka batzuk egin ostean desagertu zen neska. Etxeko atarian erosketaren poltsak utzi zituen, baina ez zen etxera igo, eta familiak haren berririk ez zuenez ohartarazi zituen poliziak.
