San Filippo gaitza duten hiru haur dira Araitz, Ixone eta Unai. Gaitzari aurre egiteko beharrezkoak dituzten ikerketa klinikoak finantzatzeko, dirua biltzeko ahaleginetan ari dira haien gurasoak, baita Stop Sanfilippo fundazioa ere. Orain arte askotariko ekintzak jarri dituzte martxan helburu horrekin, eta, oraingoan, ipuin solidario bat prestatu dute fundazioarentzako dirua biltzeko. Amaiera zoriontsu baten aldeko ipuina izena jarri diote kanpainari.
BERRIAlagunek BERRIAren webgunean eska dezakete; astelehenetik aurrera, (0034) 943-30 43 45 telefono zenbakira deituta eskura daiteke. Durangoko Azokan ere erosi ahal izango da BERRIAren stand-ean.
Ipuin liburuan, hiru haurrak eurak dira protagonistak. Bilbon murgilduko dira hiru abenturazaleak, eta haien gorabeherak kontatuko dituzte. Unaik, anai-arrebetako gazteenak, lehen pertsonan idatzitako gutun batek ematen dio hasiera ipuinari. Maria Luisa Amigok idatzi du ipuina, eta Nuria Espinosak ilustratu. Bilboko Udalaren laguntza izan du egitasmoak.
