Enrique Maia Iruñeko alkateak aitortu du hainbat pertsonak eskatu diotela Sanferminen azken egunean, 'Pobre de mi' ohikoa hemezortzi minutuz atzeratzea. Hain justu, hemezortzi minutuz atzeratu zuten txupinazoa, ikurrin bat udaletxearen aurrean jarri zutela-eta.
Maiak esan du ez litzatekeela "logikoa" izango 'Pobre de mi' atzeratzea, baina esan du zeozer "asmatuko" dutela festa ia hogei minutuz atzeratzeko. "Ez dakit zehazki zer, baina pentsatuko dugu zeozer", gaineratu du.
