Sanferminak berdintasunez bizitzeko neurriak eskatu dituzte emakume taldeek

Astelehen Lilak eta Andrea elkarteek aurtengo sanferminak berdintasunez bizitzeko neurriak hartzeko eskatu dio Iruñeko Udalari, eta genero ikuspegia kontuan hartzeko. Neurriak peñekin elkarlanean aritzeko ere galdegin diote udalari. «Saiatu behar dute aurtengo jaietan sexu erasorik ez gertatzen, eta, andreren batek jasaten badu, behar bezalako laguntza eta baliabideak ematen halako egoera bati aurre egiteko». Horren inguruan galdera egin diote udalari, eta sentiberatze kanpainen garrantzia gogorarazi dute. Salatu dute aurreko urteetan sexu erasoak izan zirela, eta udalak ez zuela behar bezala erantzun.