"Nagusikeriaz egindako sexu abusua" egotzi zien Nafarroako Auzitegi Nagusiak 2016ko sanferminetako bortxaketa egin zuten bost auzipetuei, eta bederatzina urteko zigorra ezarri. Hau da, berretsi egin zuen apirilean Probintzia Auzitegiak apirilean jarritako irizpidea. Fiskaltzak, ordea, "sexu eraso jarraitua" izan zela uste du, ez soilik "sexu abusu" delitua. Horregatik, Espainiako Auzitegi Gorenera joko duela iragarri du gaur, epaiaren aurkako helegite bat jartzeko.
Ebazpenaren berri izan ondoren, helegitea iragarri zuten herri akusazioek —Nafarroako Gobernua eta Iruñeko Udala—, erasotuaren abokatuak, eta baita erasotzaileen abokatuak ere. Gorenak ebatzi beharko du, hortaz, Nafarroako Auzitegi Nagusiak berretsitako zigorra zuzena ote den.
Hori bakarrik ez, beste eskaera bat ere egingo du Fiskaltzak: Nafarroako Probintzia Auzitegian galdegingo dio espetxean sar ditzatela akusatuak. Izan ere, ekainetik, bermepean libre dira bost erasotzaileak, eta Auzitegi Nagusiaren epaiak ez du egoera aldatu. "Inork ez digu neurriotan aldaketarik eskatu, oraingoz", adierazi zuen asteazkenean bertan Nafarroako Auzitegi Nagusiko presidenteak. Orain, Nafarroako Fiskaltzak egin die eskari hori-
