Astelehenean biltzekoak dira Frantziarko ministerioartekoak eta bertan, Seaskari hitzordu bat finkatuko diotela jakinarazi dute. Ez era ofizialean, ordea. Konponbiderako "keinu" gisa, okupazioa gelditu du Seaskak.
Alta, amorerik ez dutela emanen erran du Paxkal Indo Seaskako Lehendakariak eta sekulan Parisek hitza janen balu, Seaskak ez lukeela onartuko. Ikastolen Kontseilua bildu da gaur goizean Baionan. Okupazioa bertan behera uztea erabaki dute. "Uztailaren 26rako bilkurarik ez bada egin, ekintzak egitea deliberatu du aho batez Ikastolen Kontseiluak" erran du Indok. Okupazioa bukatzeko erabakia, aldiz, ez da aho batez hartu.
