Seaskako gurasoak Baionako suprefeturan sartu dira; ez dute lortu suprefetarekin hitzegiterik

Seaskako 40 guraso inguru Baionako suprefeturara sartu dira, gaur. Suprefetarekin biltzea eskatu dute, baina suprefetak ez zituela hartuko azaldu die poliziak. Atarian ziren 10 polizia inguruk ateak itxi dizkiete. Ordu erdiren buruan kanporatu dituzte suprefeturatik. Etxepareko ikastolako maila batean 73 ikasle daude eta legez hiru gela beharko lirateke kopuru horretarako, baina bi baizik ez dituzte. Ikastola horretarako hirugarren irakasle eskatzen zuten.