Hain zuzen ere, herritar horiei jakinarazi die Herrizaingo Sailak elkarretaratzeak galarazita daudela. Ostiralean ziren egitekoak, 19:00etan: Donostian eta Gasteizen PSEren egoitzen atarian, eta Bilbon Sabin Etxean. Independentziaren alde eginnahi zuen Segik ekitaldi horien bidez.
Debekua erabakitzeko, deialdiak herritar soil batzuek egin arren, egiazko antolatzailea Segi dela ziurtatzeko adinako zantzuak daudela uste du Herrizaingo Sailak, eta erakunde hori legez kanpokoa dela eta ezin duela ekitaldirik antolatu argudiatu du. Gainera, plazaratu dituzten txarteletan zenbait agintari eta erakunderen aurkako mehatxuak agertzen direla dio, eta horrek agirian uzten dituela elkarretaratze horien "benetako ezaugarriak".
Debekua
Segiren elkarretaratzeak galarazi ditu Jaurlaritzak
Bilbo, Donostia eta Gasteizko EAJ eta PSE-EEren egoitzen aurrean Segik deitutako elkarretaratzeak egitea debekatu du Jaurlaritzako Herrizaingo Sailak, erakunde hori legez kanpokoa dela argudiatuta. Hala ere, babesa eman arren deialdia ez du Segik egin, herritar batzuek baizik.
Iruzkinak
Ez dago iruzkinik
Ordenatu
