Sei edukiontzi erre dituzte gauerdian, Pasai San Pedron (Gipuzkoa), eta suak lau ibilgailu hondatu ditu. Eusko Jaurlaritzako Herrizaingo sailaren arabera, Oiartzun kalean edukiontzi bat erre dute, 00:50 aldera.
02:30 aldera Andonesi eta Igeldo kaleen artean beste hiru edukiontzi erre dituztela jakinarazi dute, eta horrek aparkatuta zeuden hiru ibilgailuri eragin diela. Minutu batzuk geroago, Urgull kalean beste bi edukiontzi erre dituzte; horrek beste auto bat hondatu du.
Ertzaintza gertatutakoaren nondik norakoak ikertzen ari da.
