Ustez Segiko eta Ekineko kide izateagatik eta kale borroka ekintzak egiteagatik auzipetuta dauden Nafarroako bederatzi gazteen kontrako epaiketaren bigarren egunean, sei guardi zibilek beren txostenak berretsi dituzte eta auzipetuek salatutako torturak ukatu dituzte Espainiako Auzitegi Nazionalean.
2007ko abenduan hasi ziren polizia ikerketak, Barañainen (Nafarroa) trenbide baten aurkako sabotaiaren ondoren lagun bat atxilotu zutenean, kotxearekin "maniobra arraroak" egin zituela ikusita. Haren ingurua aztertzen hasi eta ustezko Segiko kide izateagatik atxilotu zituzten beste zortzi lagun ere.
Auzipetuek galdeketetan tortutak jasan zituztela salatu dute, baina guardia zibilek ukatu egin dute halakorik. Fiskaltzak 8 eta 10 urte bitarteko kartzela zigorrak eskatzen ditu.
