Sei lagun atxilotu dituzte droga trafikoa leporatuta

BILBO. Ertzaintzak eta Guardia Zibilak ustez kokainarekin trafikatzen jarduten zuen sare bat desegin du Bizkaian. Sei lagun atxilotu dituzte, sarearekin zerikusia izatea leporatuta. Poliziak berri eman duenez, sare honek bi urte zeramatzan lanean. Droga Kolonbiatik ekartzen zuten, zapatetan ezkutatuta. Atxilotuei purutasun handiko lau kilo kokaina atzeman dizkiete, polizia iturriek aditzera eman dutenez.