2007-10-30: Espainiako Poliziak zazpi lagun atxilotu zituen Donostian. Inkomunikatu egin zituzten guztiak.
2007-11-03: Bost lagun espetxeratzeko agindu zuen Grande-Marlaska epaileak, eta haiei inkomunikazioa luzatu zien.
2007-11-07: Preso sartutako gazteak inkomunikatuta zeuzkatela, haien deklarazioekin lotu, eta beste lau lagun atxilotu zituzten.
2007-12-04: Espainiako Poliziak Donostiako 15 gazte atxilotu zituen Espainiako Auzitegi Nazionalaren atarian. Epailearengana zihoazen deklaratzera, beraien abokatuekin. Azaroaren 7an eman zuen epaileak 15 lagun horiek atxilotzeko agindua.
2007-12-07: Espetxeratu egin zituzten 15 gazteetatik zortzi.
2008-11-19: Orotara atxilotutako 26 gazteetatik 18 auzipetzeko eskatu zuen Fiskaltzak.
2010-07-07: Epaiketako azken egunean, epaitutako 17 gazteak absolbitzeko eskatu zuten defentsek, haien kontrako frogarik ez dagoela argudiatuta. Fiskalak zortzina urteko zigorra jartzeko eskatu zuen.
2010-10-19: Hamabost gazteri seina urteko zigorra ipini zien Espainiako Auzitegi Nazionalak.
2011-10-25: Gazteei jarritako zigorra baliogabetu zuen Auzitegi Gorenak, epaia idazterako orduan gazteen defentsek aurkeztutako frogak ez zirela kontuan hartu argudiatuta.
2012-11-16: Espainiako Auzitegi Nazionalak hamabost gazteei seina urteko zigorra jarriz bigarren epaia kaleratu zuen.
2013-04-08: Auzitegi Gorenak Auzitegi Nazionalaren epaia berretsi zuen.
