Elur ekaitzagatik Madrilera errepidez ezin iritsita geratu, eta Guardia Zibilak atxilotuta hegazkinean eraman zuten atzo Arnaldo Otegi Batasuneko buruzagia Espainiako Auzitegi Nazionalera, epaitzera.
"Argazki" horren bidez -hau da, Otegi guardia zibilek atxilo eramanda- konponbidearen itxaropena zapuztu nahi zutela iritzi dio Joseba Permach Batasuneko mahaikideak Euskadi Irratian egin dioten elkarrizketan. "Zoritxarrez, atzoko argazkia herri honetan azken urtean, edo azken urteetan, errepikatu den argazki oso ohikoa da", adierazi du. "Nori interesatzen zaion? Ziiurrenik, ezker abertzalea eskua luzatuta dagoenean eta proosamen bat mahai gainean jartzen ari denean akordio politiko bat erdietsi eta prozesua behingoan aurrera ateratzeko, indarraren bidez planteamendu hori zapuztu nahi duten horiei. Egia esan, Guardia Zibila bada sektore horietako bat", azpimarratu du.
Sektore batzuek "indarraren bidez" konponbidea zapuztu nahi dutela salatu du Permachek
Arnaldo Otegi Batasuneko buruzagia epaiketara atxilotuta eramanda konponbiderik ezaren irudipena islatu nahi zutela nabarmendu du.
Iruzkinak
Ez dago iruzkinik
Ordenatu
