Ertzaintzak senar-emazte batzuk atxilotu ditu Erandion (Bizkaia), alabari maiz tratu txarrak ematea leporatuta. Erandioko gizarte zerbitzuek ohartarazi zuten Ertzaintza, eta 17 urteko alabak salatu zuen gurasoek tratu txarrak ematen zizkiotela. Horien eraginez, ondorio fisikoak eta psikologikoak ditu, eta orain adingabeentzako zentro batean dago.
Aste bukaeran gertatu omen ziren tratu txarrak azken aldiz. Salaketaren arabera, aitak gerrikoarekin jo zuen alaba gorputz osoan, eta antzeko erasoak azken urteetan maiz egiten omen zizkion. Amak, berriz, alabari iletik tira egiten omen zion maiz, eta sakelako telefonoa erabiliz irainak bidali.
Euskal Herria
Senar-emazte batzuk atxilotu dituzte Erandion, ustez alabari tratu txarrak emateagatik
Iruzkinak
Ez dago iruzkinik
Ordenatu
