'Sendatzeko eskubidea' kanpaina abiatu dute Munduko Medikuek

Paperik gabeko etorkinei irailaren 1etik aurrera ere osasun zerbitzua ematen jarraitzearen alde kanpaina egingo du Munduko Medikuak elkarteak. Sendatzeko eskubidea izena du kanpainak, eta osasun arloko profesionalak bultzatu nahi ditu Espainiako Gobernuaren dekretuari kontzientzia eragozpena egin diezaioten. Herritarrek ere parte har dezakete kanpainan, beren medikuei kontzientzia eragozpena egiteko eskatuz, edo Espainiako Osasun ministroari idatzi bat bidaliz. Webgune bat sortu dute, kanpainari aterpe emateko: www.derechoacurar.org.