Sendero Luminoso Peruko erakunde armatuko kide izatea eta 1990eko hamarkadan hainbat eraso egitea egotzita atxilotu dute Farfan. Espainiako Poliziak atzeman du bart gauean, 22:30 aldera, Ugaon.
Espainiako Barne Ministerioak ohar baten bidez jakinarazi duenez, datozen orduetan eramango dute Farfan Madrilera, baina lehenago azterketa mediko bat egingo diote Bilbon.
1960ko hamarkadaren amaieran sortu zen Sendero Luminoso, Abimael Guzman filosofia irakaslearen eskutik. Guzman 1992an atxilotu zuten, eta urte horretatik aurrera apenas izan zuen jardun armaturik.
