Sestaoko (Bizkaia) taberna bateko hiru arduradunak atxilotu ditu Ertzaintzak asteburuan, euren lokalean kokaina saltzen dutelakoan. 40 gramo kokaina zituen poltsa bat, 50 dosiko poltsatxoak, bi balantza, 800 euro eta auto bat atzeman ditu Ertzaintzak. 37 eta 48 urteko bi emakume eta 48 urteko gizonezko bat dira atxilotuak.
Ertzaintzak asteak zeramatzan lokalaren inguruan, eta ostiralean taberna miatu eta kokaina topatu ondoren atxilotu zituen hiru arduradurak. Atxiloketaren momentuan tabernan zeuden eta kokaina erosi berri zuten bi bezero salatu dituzte, Hiritarren Segurtasun Legea urratu dutelakoan.
