Elkarretaratzean izan da, besteak beste, Inazio Azkarragaurizar Arrasateko alkatea. Gertatutakoa salatu du, eta adierazi du eraso horrek erakusten duela "oraindik" gizon eta emakumezkoen arteko berdintasunean "asko" dagoela egiteko.
Arrasateko Txosna Batzordeak jakinarazi duenez, atzo goizaldean gizon batek eraso egin zion emakume gazte bati. San Joan jaietan murgilduta daude Arrasaten (Gipuzkoa) herenegundik, eta txosnen inguruan gertatu zen erasoa. Batzordeko ordezkariek "irmo" gaitzetsi dute gertaturikoa, eta nabarmendu dute ez dela eraso "bakan bat".
