Sopelako gizon baten gorpua topatu dute Getxon

GETXO. Sopelatik (Bizkaia) desagertutako gizon baten gorpua aurkitu zuten atzo Getxon, Galeako itsaslabarretan, Ertzaintzak jakinarazi zuenez. Desagertutako gizonaren senideek atzo goizaldean abisatu zioten Ertzaintzari falta zela, eta bila hasi ziren. Eguerdian topatu zuten gizona, uretan hilda. Gurutze Gorriaren ontzi batek erreskatatu zuen gorpua.