SUAREN GARRAK BIZI-BIZI ERRONKARIN

Sute bat piztu zen atzo 13:30 aldera Erronkarin (Nafarroa), Santa Barbara mendian, Izaba eta Urzainki artean. Lahardi batean piztu ziren garrak, eta inguruko pinudietara ere zabaldu ziren. Nolanahi ere, arratsaldeko lehen ordurako mendean hartu zuten sutea suhiltzaileek. Hiru helikoptero, hegazkin bat eta suhiltzaileen hainbat ibilgailu joan ziren garrak itzaltzera, baita zenbait boluntario ere. Ustez sare elektrikoko lan batzuen ondorioz hasi zen sutea.